|
Y Pwyllgor Busnes |
|
Lleoliad: |
Swyddfa’r Llywydd, 4ydd llawr - Ty Hywel |
|
|
||
|
Dyddiad: |
Dydd Mawrth, 15 Tachwedd 2011 |
|
|||
|
Amser: |
08:30 - 08:45 |
|
|||
|
|
|||||
|
|
|||||
|
Cofnodion: |
|||||
|
|
|
|
|||
|
Aelodau’r Pwyllgor: |
|
Rosemary Butler (Cadeirydd) Peter Black William Graham Jane Hutt Lindsay Whittle (yn lle Jocelyn Davies) |
|||
|
|
|
||||
|
|
|
|
|||
|
Staff y Pwyllgor: |
|
Anna Daniel (Clerc)
|
|||
|
|
|
||||
|
|
|
|
|||
|
Eraill yn bresennol: |
|
David Melding, y Dirprwy Lywydd Adrian Crompton, Cyfarwyddwr Busnes y Cynulliad Sulafa Thomas, Pennaeth Pwyllgorau’r Cynulliad Siân Wilkins, Pennaeth Gwasanaethau’r Siambr a Deddfwriaeth Craig Stephenson, Prif Ysgrifennydd Preifat y Llywydd Peter Greening, Llywodraeth Cymru Aled Elwyn Jones, Clerc Eweithdrefnau
|
|||
|
|
|
||||
1. Ymddiheuriadau a chyhoeddiadau
Roedd Lindsay Whittle yn dirprwyo ar ran Jocelyn Davies, a anfonodd ymddiheuriadau.
2. Cofnodion y Cyfarfod Blaenorol
Nodwyd y cofnodion gan y Pwyllgor fel rhai a oedd yn barod i’w cyhoeddi.
3. Trefn Busnes
3(i) Busnes yr wythnos hon
Cytunodd Arweinydd y Tŷ y byddai’r pleidleisio ddydd Mawrth ar y gyllideb ddrafft ac ar y ddadl ar wasanaethau cymdeithasol cynaliadwy yn digwydd ar ddiwedd y dadleuon hynny, yn amodol ar gadarnhad.
Cytunodd y Pwyllgor Busnes y byddai’r Cyfnod Pleidleisio cyn y ddadl fer ddydd Mercher.
3(ii) Busnes y Llywodraeth ar gyfer y tair wythnos nesaf
Nododd y Pwyllgor amserlen tair wythnos o fusnes y Llywodraeth.
3(iii) Amserlen busnes y Cynulliad ar gyfer y tair wythnos nesaf
Penderfynodd y Pwyllgor ar drefn busnes y Cynulliad.
4. Deddfwriaeth
4(i) Cynnig Cydsyniad Deddfwriaethol Atodol: y Bil Diogelu Rhyddidau
Bu’r Pwyllgor Busnes yn ystyried papur gan y Llywodraeth ynghylch Memorandwm Cydsyniad Deddfwriaethol atodol mewn perthynas â’r Bil Diogelu Rhyddidau. Cytunodd y Pwyllgor i gyfeirio’r Memorandwm i’r Pwyllgor Materion Cyfansoddiadol a Deddfwriaethol fel y gall graffu arno cyn iddo fod yn destun dadl yn y Cyfarfod Llawn; y dyddiad terfyn ar gyfer cyflwyno adroddiad yw 24 Ionawr 2012.
5. Busnes arall
5(i) Gweithredu diwydiannol - yr effaith ar fusnes ffurfiol y Cynulliad
Bu’r Pwyllgor Busnes yn ystyried opsiynau wrth-gefn i sicrhau nad oes unrhyw ran o’r busnes sydd wedi’i drefnu gan y Cynulliad yn cael ei golli os oes gweithredu diwydiannol ar 30 Tachwedd.
Cytunodd y Llywodraeth i ddod â’r cwestiynau llafar a ganlyn yn nes. Byddant, felly, yn cael eu cynnal ddydd Mawrth 29 Tachwedd:
· Cwestiynau i Weinidog yr Amgylchedd a Datblygu Cynaliadwy (45 munud)
· Cwestiynau i’r Gweinidog Tai, Adfywio a Threftadaeth (45 munud)
Cytunodd y Rheolwyr Busnes mai’r opsiwn a oedd well ganddynt oedd ymestyn y Cyfarfod Llawn ddydd Mawrth 6 Rhagfyr a dydd Mercher 7 Rhagfyr fel bod amser i ymdrin â’r eitemau sy’n weddill o fusnes y Cynulliad a oedd i’w gynnal ar 30 Tachwedd. Cytunodd y Pwyllgor Busnes i ystyried y cynllun wrth-gefn ymhellach yn ei gyfarfod nesaf.